Aruba Bank a celebra aprecio pa su empleadonan cu tema “You Inspire Me”

Aruba Bank a celebra aprecio pa su empleadonan cu tema “You Inspire Me”

ORANJESTAD (AAN):  Aruba Bank a organiza su celebracion di Aprecio pa su Empleadonan, un iniciativa pa reconoce y celebra e esfuerzonan excepcional di su empleadonan.

E tema di e aña aki, "You Inspire Me," ta rindi un homenahe na e contribucionnan di tur dia y e dedicacion di su personal cu ta inspira excelencia den e organizacion.

            Durant e celebracion tabatin varios actividad; empleadonan a disfruta di un Special Treat na cada sucursal pa cuminsa e siman na un manera festivo, un Thanksgiving Lunch cu tin un significado special a duna nos oportunidad pa expresa gratitud, un Scavenger Hunt interactivo a stimula colaboracion y creatividad, y un charla valioso tocante maneho di finansanan personal a duna consehonan util pa bienestar financiero.

            “E actividadnan aki ta refleha nos compromiso pa reconoce y balora nos empleadonan. Nan esfuerso y dedicacion ta fundamental pa nos exito, y nos kier pa nan sa con hopi nan ta inspira nos,” segun Militza Oduber – Gietel, Regional Human Resources. 

            Siman di Aprecio pa Empleadonan ta forma parti di e esfuerzonan continuo di Aruba Bank pa crea un cultura laboral positivamente inspirado, cu ta garantisa cu empleadonan ta sinti nan valora y motiva pa sigui brinda servicio excelente na nos comunidad.