Tara van der Werk corona como Miss Teen Aruba International 2025

ORANJESTAD (AAN): Diadomingo anochi, e dama hoben Tara van der Werk a keda corona como Miss Teen Aruba International 2025

riba escenario di Paseo Herencia Ballroom, como ganadora maximo di e certamen aki, dilanti un publico hopi participativo y animador.

   For di trempan caba a nota cu Tara tabata un faborito di publico, y el a sa di haci su participacion den certamen uno sin eror, cu constante sonrisa riba su cara, y cu movimentonan delicado, y contesta fuerte cu a yude bay cu e corona.

   Fuera di e corona, e anochi aki Tara van der Werk a bay cu e titulo ganador tambe di Miss Teen Speech, Miss Teen Smile, Miss Teen Disciplina, Miss Teen Popular, Miss Teen Skin, 2ndo finalista Miss Teen Folklore, y Miss Teen Ella’s Accessories.

   Prome finalista a bira Abigail Sanchez.  El a gana tambe titulo di Miss Teen Folklore, Miss Teen Fotogenica, Miss Teen Best Hairdo, y 1er finalista di Miss Teen Speech,

   Segundo finalista a bira Shannon Vullinghs.  El a gana tambe titulo di Miss Teen Spirit, y 2nda finalista di Miss Teen Speech.

   E tres demas candidata, tur di nan a keda eligi como ‘Finalista’.

   Finalistanan ta Qryna Alleyne, kende a gana titulo tambe di Miss Teen Perseverancia, y Miss Teen Best Make-up, y 1er finalista Miss Teen Folklore.

   Otro Finalista ta Jehdeiah Flanegin, kende a gana titulo tambe di Miss Amistad, y Miss Teen Best Hair.

   Otro Finalista ta Marcienny Dijkhoff, kende a gana titulo tambe di Miss Teen Elegancia, y Miss Teen Model.

   Asistentenan riba escenario tabata Darienne Lampe y Briannah Arrindell.  Miss Teen saliente, Jaydeleen Tromp a duna un despedida hopi elocuente cu un bunita mensahe na final. E anochi aki, George Winterdaal di GLW Foundation mes a fungi como maestro di ceremonia.