FPNC ta hinca mas cos den e pakete familiar pa yuda e mucha cu alimento den tempo di vacantie

Director Gianaika van der Biezen ta splica:

ORANJESTAD (AAN) Señora Gianaika van der Biezen, Directora di Fundacion pa Nos Comunidad, den entrevista cu DIARIO, a duna di conoce cu awo den vakantie nan ta purbando di hinca mas cos den e pakete pa muchanan come den e temporada aki.

Esaki pasobra hopi biaha muchanan ta haya algo di come na scol, pero den vakantie scol ta cera, FPNC ta zorg pa nan haya nan cuminda na cas merdia.

Actualmente, e Fundacion ta bezog preparando material pa scol, manera tas, agenda, entre otro. Gianaika a menciona cu den tur cas nan tin nan lista di prioridadnan cu nan mester, pero aworaki ta e prioridadnan manera tas y uniform.

“Si un hende tin gana di haci un obra di caridad, pasa na fundacion of yama na nos number di telefon 588-0002, tuma contactos, mi coleganan sigur por contesta bo y duna bo tur informacion necesario”, Gianaika V/d Biezen a menciona.

FPNC tin budget prepara y nan ta ofrece diferente organizacion con nan kier yuda un mucha. Ken ta opta pa paga su schoolgeld, ken ta opta pa uniform, pa material di scol, of un combinacion.