Studiantenan Mon Plaisir College a atende workshop hopi inspirativo na JOIA Aruba

ORANJESTAD (AAN): Recientemente e studiantenan di VWO-5 klas A di Mon Plaisir College, a atende pa nan vak di Biologie, un workshop yen inspiracion na JOIA Aruba by Iberostar.

   Durante e dia educativo aki, nan a profundiza nan mes den e mundo di con acidez di oceanonan ta subiendo, y tambe erosion.  Nan a bin descubri e.o. con esencial e mangelnan ta pa proteha costanan y ecosistemanan, y tambe di e rol importante cu e.o. e pisca yama ‘Parrotfish’ ta hunga den e mantenimento y conservacion di e rifnan di coral.

   A ser splica, cu e tabata un experiencia fascinante yena cu conocemento nobo, y datonan sorprendente.  Cada uno a participa den experimentonan pa asina nan mira den practica con tur detaye di teoria ta hinca den otro.

   Nan ta hopi agradecido na Jean-Paul y Jean-Luc cu a presenta e fantastico workshop aki.  Y comentarionan ricibi di e studiantenan ta cu nan a haya esaki algo cu a duna nan hopi inspiracion riba e tereno aki.