Studiantenan di Universidad di Aruba a pasa un dia di conocemento na Wind Creek Aruba

ORANJESTAD (AAN): Wind Creek Aruba a extende un caluroso bon bini na e studiantenan di FHTMS Faculty di Universidad di Aruba pa un evento di comienso Academico.

   E evento a marca un paso significante den e colaboracion entre Wind Creek Aruba su hotel, esta Renaissance Wind Creek Aruba Resort, Wind Creek Casinos, 5 O’clock Somewhere, Starbucks Aruba, Renaissance Mall y Renaissance Marketplace y e universidad, cu un enfoke pa crea futuro lidernan den e industria di hospitalidad y turismo.

   E mainta tabata yena cu conversashonnan, unda e studiantenan a sumergi nan mes den un mundo di conesemento valioso y storianan inspirante. E evento a brinda un plataforma pa presenta e talentonan prometedor di Wind Creek Aruba.

   "Nos ta hopi contento pa por a tin e privilegio di por ta parti di e evento di e studiantenan di FHTMS Faculty di Universidad di Aruba pa e comienso academico aki," ta palabranan di Sr. Paul Gielen, Gerente General na Renaissance Wind Creek Aruba Resort. "Tabata un dia yen di inspiracion, compartimento di conocemento, y sigur e cuminsamento di nos compromiso pa sostene crecemento di futuro profesionalnan den e industria di hospitalidad y turismo."

   E evento a cuminsa cu un section di orientacion cu participation di 80 di e studiantenan na Renaissance Convention Center, despues e studiantenan tabata tin e oportunidad pa network den un ambiente relaha pero informativo. E dia a termina cu un ‘tour’ di propiedad ofreciendo e studiantenan un experencia den su totalidad di e operashon di e hotel como tambe di e huespednan.

   Shadira Fingal, Gerente di Marketing y Promotions di Casino, a yama atencion como un graduada sobresaliente den e sector di hospitalidad. Shadira a conta su experencia y conosemento na e studiantenan. Su carera exitoso den e industria, desafionan y triunfo cu el a encontra durante su carera.

Marilisa Garcia, un intern di e prestigioso Universidad di Aruba, a comparti su experencia personal como un intern na Renaissance Wind Creek Aruba, brindando un bista autentico di e responsabilidatnan diario y desafionan cu el a encontra durante su intership.

   E evento no tabata posibel sin e colaboracion y sosten di Universidad di Aruba. Nos ta extende gratitud na e universidad pa por a duna e oportunidad pa hospeda e evento impactante aki. E participacion di e lidernan remarcabel di Wind Creek Aruba a comparti nan trayecto personal y profesional, sabiduria, tipsnan valioso y perspectivanan cu a laga un impresion riba e studiantenan.

   Wind Creek Aruba ta orguyoso di por a forma parti di e comienso di aña academico 2023-2024 formando parti di e preparacion di studiantenan y por crea careranan exitoso. Cu e compromiso pa fortifica enlace cu institutonan educativo riba nos isla, principalmente riba e industria di hospitalidad.