Studiantenan di Polis a recauda fondo pa un bon causa

ORANJESTAD (AAN): Recientemente studiantenan di Scol di Polis E.J Watty Vos a recauda fondo pa un tremendo causa.

   Aworaki ta luna di October caminda enfoke ta bay riba esnan cu ta luchando contra e cancer di pecho, y ta recorda riba esnan cu a bay laga nos debi na esaki.  Na Aruba, e aspirantnan pa Polis kier a duna bek na comunidad door di recauda fondo pa Mary Joan Foundation.

   E futuro agentenan policial a bay posiciona nan mes na e rotonde di Santa Cruz y a logra colecta un cantidad cuantioso di placa pa asina e fundacion por sigui cu nan bon causa.