Elmar a regala toolbox na alumnonan di Elektro di Colegio EPI

ORANJESTAD (AAN): Siman pasa, e studiantenan di Colegio EPI di e opleiding Elektro Aña 1, a ricibi un bunita caha di herment for di NV Elmar.

   DIARIO a compronde, cu e bunita gesto aki cu tabata un donacion pa motiva y sostene e studiantenan cu material cu lo wordo uza for di nan prome praktijk les te cu nan examenjaar.  E hermentnan ta esnan cu ta insula, pues nan no ta djis herment regular cu algun rubber poni riba nan.  E hermentnan aki a wordo diseña pa proteha studiante of trahadornan di shock electrico te cu 1000 Volt.  Nan ta ofrece e proteccion aki den varios forma.

   Colegio EPI ta gradici director di ELMAR sr Anthony Irausquin y su team cu a haci esaki posibel. Masha danki pa e donacion y pa aporta den e studiantenan.  Por a nota cu docentenan tambe a ricibi toolbox regalo.