Studiantenan di Colegio EPI a bishita Stichting HUNTO  

ORANJESTAD (AAN): Recientemente e alumnonan di Colegio EPI, studiantenan di unit S&S su sector ‘Welzijn’, a bishita Stichting HUNTO. 

Nan a haci e bishita relaciona cu module 404 tema di Psychiatria.

   E recien crea Stichting HUNTO ta atende personanan cu tin problemanan mental.  Meta ta pa reduci listanan di espera, pa asina duna tratamento mas rapido na hendenan cu tin mester di e atencion necesario.

   Stichting HUNTO ta den Caya Appeldam na Dakota, y su meta ta pa purba yuda specialmente hobennan cu di edad trempan ta bira adicto.  Esaki a empeora despues di e pandemia di Covid-19.

   Personal di Stichting HUNTO a brinda e studiantenan di Colegio EPI un rondleiding y un splicacion amplio di e forma di traha/ guia pa cu e grupo di meta adulto y mucha.

   E studiantenan ta manda palabra di danki na señora Daneshka Rodriguez cu ta e Health promoter/marketing di Stichting HUNTO.