ORANJESTAD (AAN): E ta un topico cu cada biaha durante Carnaval ta bin dilanti. Specialmente anochi ora cu tin Lighting Parade na Playa,
y Parada di Luz na San Nicolas, bo ta haya hopi hende ta mustra cu nan a desapunta di mira mucha chikito riba caya, drumi den scochi, den stroller, of riba stoel.
Durante September, nan a pensa cu tabata ideal pa check e pensamento di comunidad riba e topico sensitivo aki. Pesey un grupo di studiante di Universidad di Aruba studiando como trahado social, ta haciendo un analisis riba e topico aki.
E grupo di studiantenan Universitario ta haciendo un proyecto pa un materia di cual nan tema ta” “Negligencia di Muchanan Durante Paradanan di Carnaval na Aruba”.
Nan a crea tambe un encuesta anonimo pa check pensamento di comunidad riba e topico aki. E speranza ta cu pronto lo por haya sa e resultado di loke comunidad a pensa di e asunto aki.
