ORANJESTAD (AAN): Den fin di siman Señor Mauro Jones di Jonespublicidad a diseña e calendario di Brazil Taekwondo Stichting pa aña 2025.
Esaki ta e di 10 calendario cu Mauro Jones ta diseña pa Brazil Taekwondo Stichting y tur aña cu otro diseño. Manera cu Mauro Jones caba cu e diseño, esaki lo wordo entrega na Brazil Taekwondo Stichting pa controla si tur cos ta perfecto.
Pa tur esnan cu kier e bunita calendario di 2025 pa nan cas of negoshi, por cuminsa reserva via Messenger di e Facebook di Stichting Brazil. Brazil Taekwondo Stichting tin casi 30 aña ta saca calendario pa bende pa recauda fondo pa e atletanan.
