Stichting HUNTO a organiza su prome forum publico

ORANJESTAD (AAN):  Diahuebs 29 di November, Stichting HUNTO a organiza su prome forum publico na JFK Education Center.

Jonathan Trinidad, lecturer na Universidad di Aruba, tabata moderador, y Marion Ferber, trainer di Hulanda specialisa den suicidio y auto-lesion, tabata e speaker principal.

            Marion a comparti su experiencia y dedicacion pa yuda hobennan cu desafionan mental. Su trabou innovativo y su contribucion na prevencion di suicidio ta un inspiracion pa tur hende.

            E forum a reuni mas di 150 participante, incluyendo profesionalnan di salud mental, social, y educacion. Un panel di 6 experto a duna informacion valioso y a enfatisa e importancia di papia habri riba e temanan aki.

            Stichting HUNTO ta satisfecho cu e exito di e evento y lo sigui trece tema importante manera aki na nos comunidad. Hunto, nos ta traha pa elimina tabu y fortalece bienestar mental.