ORANJESTAD (AAN): E informacion a drenta for di estado di Kansas na Merca, cu e turista Anita M. Gatewood di 67 aña biba na pueblo di Parsons, a fayece recientemente.
Despues di su graduacion, el a traha na Kansas State Hospital, y tambe a yega di traha pa compania Goodyear. Hunto cu su casa Charles Gatewood, nan a haci varios viahe cu famia pa Aruba cu el a keda encanta cu e isla. Y na su regreso na Merca el a conta tur hende tambe di e paraiso di Aruba. Anita a bishita tambe Hawaii y algun ciudad na Europa.
Diasabra cu a pasa, su entiero a tuma lugar na pueblo di Parsons na Kansas.
