Stanley Dabian a cumpli 40 aña den servicio di Gobierno

ORANJESTAD (AAN): Den e epoca aki, ora cu bo pensa riba ‘Cultura di Aruba’, mesora bo mente ta bay riba Stanley Dabian.

   Specialmente pa DIARIO, e pensamento semper tey cu Stanley Dabian ta cla pa suministra tur informacion relevante di celebracionnan cultural cu ta na caminda!  Un berdadero persona multi-tasking cu ta mustra cu di curazon profundo, e stima Aruba y su balornan.

   Pesey tabata agradable pa mira cu recientemente Stanley Dabian a cumpli 40 aña den servicio di gobierno. Durante un rato ameno na bureau di Minister di Finanza, Asuntonan Economico y Cultura, sr. Stanley Dabian a ricibi su decreto gubernamental corespondiente y un regalo chikito pa conmemora e fecha special aki for di Minister señora Xiomara Maduro. 

   E mandatario a gradici sr. Stanley pa su trabao y e lealtad demostra na e servicio publico di nos pais Aruba como tambe a gradici sr. Stanley pa su contribucion na nos cultura muy en particular. Masha pabien sr. Stanley Dabian.