Sosten structural di Defensa na Wardacosta a wordo para

ORANJESTAD (AAN): Un sosten structural di Defensa na Warda Costa cu a dura pa largo tempo,  oficialmente ta stop cuminzando diabierna.

Aki ta trata di e refuerso di Personal di Defensa duna na e ekiponan di patruya maritimo di Wardacosta. Desde zomer di 2019 Milisianonan di Curaçao y Aruba a nabega hunto riba Metal Sharks di Wardacosta. Wardacosta cu esaki durante e periodo cu ta tras di lomba por a garantisa su capacidad di patruyahe maritimo.

 Wardacosta di Region Caribe ta responsabel cu su unidadnan maritimo y di vuelo pa control di fronteranan maritimo. Tambe nan ta eherce operacionnan (search and rescue) di buskeda y rescate, y Wardacosta ta mantene legislacion riba laman.

Pa por a haci esaki na un forma eficas durante ultimo añanan, Wardacosta a haci un peticion na Defensa pa sosten. Defensa a haci esaki cu esfuerso di Milisia di Curaçao y Aruba (CURMIL en ARUMIL). Tambe nan a ricibi entrenamento pa certificacion como BAVPOL – Funcionario di Polis Extraordinario. 

Ultimo periodo tras di lomba Wardacosta a haci un inversion cuantioso den su capacidad di capacitacion. Cu e refuerso di hopi empleado nobo, e necesidad pa sosten structural di parti di Defensa a bira menos. Ta pa e motibo ey e sosten ey ta termina awor. 

Cooperacion structural 

Aunke cu e esfuerso di CURMIL y ARUMIL riba Metal Sharks  ta termina, hopi otro trabao di cooperacion entre Defensa y Wardacosta ta sigui. Ambos organizacion ta traha estrechamente hunto riba tereno di vivienda, ICT, mantencion y compra di material y servicio.

Defensa y Wardacosta ta keda pone nan mes disponibel conhuntamente pa seguridad maritimo.