A constata bruhamento na algun urna electoral

ORANJESTAD (AAN): Por a ripara cu na cierto urnanan electoral tabata tin hopi bruhamento. Tabata tin algun stembureau manera scolnan unda tabata tin 1 of te hasta 3 urna.

Eynan por a mira cu no tabata tin hende pa guia e votadornan yega na e stemlokaal cu tabata coresponde nan.

Hopi hende grandi tabata yega y tabata bruha riba unda nan mester a acudi pa vota.

Tin hende cu tambe a reclama cu tin partidonan politico tabata keda aglomera den porta y tabata stroba e hendenan drenta of sali.

Banda di esaki tabata tin rijnan largo di hende, para den solo. Tin caminda unda hendenan tabata para den rij caminda autonan ta pasa banda di nan bay.

Locual tambe a ripara ta falta di personal di Cuerpo Policial pa controla y mantene orden publico.