SKOA y Leerorkest a firma acuerdo pa oficialisa inicio di e lesnan di 'Algemene Muzikale Vorming'

ORANJESTAD (AAN): Algun siman pasa, esnan cu SKOA (Stichting Katholiek Onderwijs Aruba) hunto cu

e bestuur di Leerorkest sinta hunto pa asina por duna inicio na e programa di 'Algemene Muzikale Vorming (AMV), digital y online.

E programa aki ta bay cuminsa den luna di September cu un proyecto den cual tur mucha na Aruba ta haya oportunidad pa participa den e lesnan online.

Ta cuminsa cu e di dos klas di scol basico pa asina prepara ya cu e AMV ta conecta cu e di tres aña di scol basico, asina voorzitter di Leerorkest Grace Maduro a duna di conoce.

Actualmente tin dos scol cu ta haya lesnan di instrument. Tin mas scol cu ta bay cuminsa na September y ta spera cu dentro di 2 aña por tin un orkesta hubenil completo na Aruba di tur scol di Aruba.

Na e ocasion aki tabata tin presencia di directora di SKOA, Anuesca Baly, director di Leerorkest Nederland, Marco de Souza, Stanley Looman y Dilma Arends (penning meester), Johnny Croes y Juliette van Romondt (project leiding Leerorkest).

 Diabierna a firma un contract cu SKOA den cual ta bay oficialisa cu entrante 1 di September ta bay cuminsa cu e lesnan di 'Algemene Muzikale Vorming' den e klasnan 2 di cualkier scol basico di SKOA cu kier haci esey, Maduro a splica.

Ta invita e docentenan pa participa. Den e proyectonan piloto ta mira hopi entusiasmo den e muchanan pero tambe cerca e docentenan y mayornan.

Ta hopi contento cu e resultado, Grace Maduro a duna di conoce.