Simposio di ‘Embehece sin Tabu’ a hala hopi atencion

ORANJESTAD (AAN): Riba Diasabra, Minister di Asuntonan di Adulto Mayor, esta Mervin Wyatt-Ras a habri e symposium “Embehece sin Tabu”,

organiza pa Directie Ouderenzaken y teni den Sala di Conferencia na JOIA Aruba by Iberostar.

   Durante e symposium a papia abiertamente tocante diferente tema cu ta toca bida y bienestar di nos adultonan mayor, entre otro deterioro cognitivo y e impacto cu esaki por tin riba e persona, su famia y su bida diario.

   Pesey e titular a indica cu tin di pone spotlight con pa fortifica e cuido pa adulto mayor na Aruba, y esaki ta inclui e.o. cu tin di amplia e sosten na cas, y tambe aumenta prevencion di malesanan cronico.  Atrobe ta papia aki riba e deterioro cognitivo.  Y tambe ta mas atento pa e reto nobo di alzheimer y demencia.

   “Ora nos papia abiertamente, nos por compronde miho. Ora nos compronde miho, nos por prepara miho. Y ora nos prepara miho, nos por cuida miho.”

   Nos mester sigui traha pa un sociedad unda nos adultonan mayor por embehece cu dignidad, sosten y bon calidad di bida.