Shaswina Kock a gana premio di Miss Teen Beautiful Skin

ORANJESTAD (AAN): Diasabra anochi den Cage Nightclub, a tuma lugar e anochi di ‘Awards Night’ di e evento di Miss Teen Aruba International 2021. 

Diferente premio a wordo otorga, den anticipacion pa e certamen final di e Diadomingo venidero.

   Un di e premionan cu a ser duna ta Miss Teen Beautiful Skin.  A toca e presentador George Winterdaal pa anuncia, cu esaki a bira Shaswina Kock representando G&J by Jennive.

   A ser splica cu e candidatanan tur a ricibi un Mini-Facial for di man di Sra. Lopez, y el a keda encarga pa escoge e candidata cu e cuero di mas bunita.

   Shaswina Kock a ricibi un medaya for di man di Ileyna de Cuba kende ta reina saliente di Miss Teen Aruba International 2019.

   E certamen final mes di Miss Teen Aruba International 2021 cu 8 candidata, lo ta Diadomingo awor na Cas di Cultura.