Hazaña Mega Museo Aruba 2021

ORANJESTAD (AAN): Fundacion di Antiguedad Nos Bieunan ta presenta e evento Hazaña Mega Museo Aruba 2021.

Segun Stanley Dabian di Departamento di Cultura, e hazaña di Henry 'Heintje' Ras ta pa recauda fondonan pa e Mega Museo Aruba, un soño cu e kier realiza. 

Heintje Ras tin varios aña caba ta organiza tours den e mina di fosfaat, tanto pa local como turistanan. E ta kere cu muchanan y nos hendenan tin derecho di sa nos historia. Ras tambe ta fungi como bombero y e ta un coleccionista di artefactonan hopi antiguo y historico. E tambe tin un coleccion di autonan clasico. Su cas a bira un 'cas-museo' y riba 3 di mei 2019, Ras a funda 'Fundacion di Museo di Antiguedad Nos Bieunan Aruba, pa motibo cu su cas a bira chikito, e kier recauda fondonan pa yega na su edificio pa habri un Mega Museo Aruba. 

Ras kier kibra e record mundial den buki di Guinness World Records door di keda 100 dia den mina di fosfaat na Sero Colorado, bao di tera den tunnelnan di e minanan. E lo drenta dia 2 di october 2021 y lo sali dia 9 di januari 2022, pa kibra e record mundial. E lo conta cu un team special, cu lo yuda, guia, como tambe controla su salud durante e hazaña aki.  

E fundacion ta spera di por conta cu apoyo di comunidad di Aruba, specialmente comerciantenan, den e hazaña aki, pa asina logra e fondonan pa realiza un Mega Museo Aruba.

Ras mes a conta cu e hazaña di 100 dia tin un storia su tras,  Guinness Book of Records tin un serie di exigencia cu e mester cumpli cune y e ta cla pa enfrenta y cumpli cu tur. Un di e exigencianan ta cu na momento cu e drenta e buraco di e mina di fosfaat e no por sali pa 100 dia. E no por weita Solo, ni un tiki di su claridad, tampoco Luna. No por tin coriente, fan, candela, ni lampi di kerosin y tampoco ningun tipo di wifi y comunicacion.

as ta gradici tur boluntario y team cu ta su tras, cu ta kere den dje y ta cla pa e reto. 

Potret cortesia Hilario Doncker