Gabriella Piazi a gana premio di Miss Teen Best Hair

ORANJESTAD (AAN): Diasabra anochi den Cage Nightclub, a tuma lugar e anochi di ‘Awards Night’ di e evento di Miss Teen Aruba International 2021. 

Diferente premio a wordo otorga, den anticipacion pa e certamen final di e Diadomingo venidero.

   Un di e premionan cu a ser duna ta Miss Teen Best Hair.  A toca e presentador George Winterdaal pa anuncia, cu esaki a bira Gabriella Piazi, candidata number 8 representando The Salon.

   Gabriella a ricibi un medaya for di man di Ileyna de Cuba kende ta reina saliente di Miss Teen Aruba International 2019.  Gabriella a draai su cabez e ora un tiki pa publico por a mira su cabey.

   E certamen final mes di Miss Teen Aruba International 2021 cu 8 candidata, lo ta Diadomingo awor na Cas di Cultura.