Setar NV ta colabora cu e minor Destinations in Transition di e facultad FHTMS

Di Universidad di Aruba

ORANJESTAD (AAN): Recientemente e grupo di studiantenan di e minor Destinations in Transition di e facultad di Hospitality and Tourism Management Studies (FHTMS), den colaboracion cu NHL Stenden University of Applied Sciences, tabata di bishita na Setar NV pa inicia e programa y cera conoci cu Setar NV.

   E aña aki, Setar NV ta forma parti e di minor Destinations in Transition como opdrachtgever. Como compania innovativo y cu un infrastructura esencial pa nos isla, pa Setar NV tambe ta importante pa nabega transicionnan sostenibel den e compania y considera e retonan cu e isla ta enfrenta encuanto turismo sostenibel.

   Durante e mainta, e funcionarionan di Setar NV a duna presentacion di nos proyecto di Giganet y a presenta dos design challenge pa e studiantenan traha riba dje. Na final di e programa, e studiantenan lo presenta e resultado di nan investigacion y nan recomendacionnan na Setar NV.

    Di parti di Setar NV, nan ta contento di por partner cu e facultad di FHTMS di Universidad di Aruba pa e minor aki, p’asina intercambia di informacion, conocemento y traha hunto pa un futuro sostenibel pa nos isla.