Setar NV cu bunita donacion net riba Dia di Bestia

ORANJESTAD (AAN): Siman pasa ora cu a observa Dia di Bestia, e compania Setar NV tambe a celebra e lazo increibel cu comunidad tin cu nos amigo peludo y cu plumanan.

   Den cuadro di esey, Setar NV a haci un donacion na 3 fundacion dedica na rescata animalnan na Aruba, celebrando asina e Dia Mundial di Bestia.

   Pues tabata bunita pa mira con Setar NV a yuda Sanctuario di Burico Aruba, Nine Lives Aruba Foundation y Aruba Animal Shelter, cada un cu un suma cu ta yudanan sigui cu nan bon causa.

   Cu e gesto aki, Setar NV a aporta na fundacionan cu ta traha incansabel pa proteha e animalnan na Aruba. Riba imagen por mira e Team di Mercadeo di Setar entregando e cheque di donacion na cada fundacion.