ORANJESTAD (AAN): E compania local WEB Aruba NV a splica, cu nan tambe ta sostene luna di 'Concientizacion di Cancer di Pecho',
y ta trata na concientiza pueblo cu e campaña di cende lusnan roos, esta #lightituppink.
Na tur esnan luchando of cu a lucha cu un variante di Cancer di Pecho, e compania ta sostene bo y nan ta desea abo y bo famia hopi forsa y amor. Un danki tambe na e trahadornan di WEB Aruba NV cu a base boluntario ta yuda visualisa e sosten pa diferente causa cu e exhibicion di luz di e rotonde na Kibaima riba Green Corridor.
