SETAR lo construi Teleshop completamente nobo na Palm Beach

ORANJESTAD (AAN) – Diaranson mainta, Ronica Lopez (Sector Manager Asuntonan Comercial) di SETAR NV, a haci introduccion den conferencia di prensa yama

pa e compania, pa haci otro anuncio hopi placentero, relaciona cu e construccion di un teleshop completamente nobo, den e area di Palm Beach.

   Lopez a cuminza na bisa cu siman pasa, SETAR a anuncia su donacion di 800 tablets na diferente scol rond di Aruba, y un siman despues tin otro anuncio tremendo pa clientenan di SETAR, incluyendo e area di Palm Beach.

“Nos ta akinan situa den e teleshop den area di Palm Beach, pa anuncia cu nos a cuminza cu construccion nobo, nobo, den e area aki.

Esaki ta algo cu nos ta haci, no solamente pa nos bishitantenan den e area di Palm Beach pero pa e area completo aki”, Lopez a splica.

Seguidamente, Ronica Lopez a pasa palabra pa e director di SETAR, Ing. Roland Croes.