Señora na stuur a perde control di su auto, dal contra di un cas y bolter na Bernhardstraat

ORANJESTAD (AAN):  Diaranson atardi, un accidente basta pisa a sosode na Bernhardstraat.  Habitantenan a scucha un sonido basta fuerte den nan caya y ora

nan a sali wak kico lo por a sosode a bin topa cu un escena basta tragico.

Ta asina cu un señora na stuur, segun informacion, lo a perde control di su vehiculo, un Nissan Murano color preto, cu consecuencia cu el a bay dal contra di e cas (198) pa despues bolter.

Ora cu autoridad a yega na e sitio, a bin haya e victima cu tabata tur spanta y tambe levemente herida.

Polis como personal di ambulance a atende rapidamente e suceso aki cu a laga basta daño atras, tanto pa e chauffer di e auto como pa e doño di e cas ya cu su entrada di cas y cura a keda totalmente destrui. Danki Dios no tabata tin ningun perdida humano.

Ademas di esey, daño a wordo haci na e tuberia di awa y door di e impacto a ocasiona un fontein riba acera. Personal di WEB NV tambe a presenta casi mesora pa duna asistencia.

Potretnan cortesia: Gregory Oduber