ORANJESTAD (AAN): Conforme rekisito pa cu sosten di likides, como tambe manera indica den e prome Agenda di Ehecucion 2021 di e Landspakket di Aruba,
Gobierno ta informa cu entrante 1 di juli 2021 pais Aruba lo ta tumando encargo di programa temporal relaciona cu asistencia social durante e crisis di COVID-19.
Na e momento aki e departamentonan encarga cu plan di ehecucion conhuntamente cu NGO local ta haciendo e ultimo preparacionnan pa asina por percura pa un traspaso exitoso. Specificamente, esaki kiermen cu esnan cu ta conta riba sosten di e programa temporal aki lo por sigui haci esaki for di 1 di juli 2021.
Prome Minister Evelyn Wever-Croes den nomber di Gobierno di Aruba, ta haci peticion na tur esnan concerni pa keda pendiente pa mas informacion tocante e tema aki.
