ORANJESTAD (AAN): Relacionista Publico di AZV, Solange Tchong a trece dilanti durante un conferencia di prensa cu e botica tambe por duna e pashent
informacion of e docter tocante e remedinan cu ta cay riba e 'Lista Positivo di Remedi'.
El a pone como ehempel cu si un pashent ta uza 'Nexium' cu ta e remedinan pa stoma, cu esaki tin remedinan alternativo of remedinan generico p'e cu por receta tambe. Pesey ta importante pa papia cu e doctor ora di e consulta pasobra e ora e pashent lo por haya e remedi cu AZV si ta cubri.
Algun aña atras, a bisa, tabata tin e cambio caba na 2013 unda AZV a trece dilanti e maneho riba e 'Lista Positivo' pa loke tabata e remedinan generico. Esaki ta algo cu e comunidad a custumbra cu ne caba y a bay un tiki mas leu cu esey tambe.
Pesey ta importante pa remarca cu tur pashent cu tin malesanan cronico por keda ricibi nan cuido via AZV, solamente cu esaki por ta kisas adapta y specialista por indica cu e lo bay receta un otro remedi cu ta alternativo of esun generico na esun di un marca conoci, Tchong a indica.
