Seis militar di Aruba a huramenta na Corsou

ORANJESTAD (AAN): Diaranson, 28 di mei ultimo, nuebe Militar di Corsou oficialmente a keda

huramenta despues di exitosamente a finaliza nan Formacion Militar Basico. (Elementaire Militaire Vorming (EMV).

            E ceremonia a tuma luga den presencia di Gobernador Interino di Corsou, Minister di Husticia Hato y Comandante di Forsanan Naval den Region Caribe.

            E nuebe militarnan ta forma parti di un grupo di 15 candidato cu a slag den e Formacion Militar Basico; di e 15nan, seis ta descendiente  di Aruba y nuebe ta di Corsou. E militarnan di Aruba mas despues lo keda huramenta na Aruba.

            E estudio a contene 26 siman di training militar intensivo, den cua  resiliencia físico y mental tabata central. Despues di finalisa e periodo aki a tuma luga e entrada oficial cu aplauso na Fort Amsterdam.

            Despues e candidatonan a sigui un modulo B&B (Bewaken en Veiligheid) ‘Monitoreo y Seguridad’ di 10 siman, como preparacion pa nan posicion dentro di Defensa den Region Caribe.

            Despues di e huramentacion e militarnan a keda ubica na Curmil (Curaçaose Militairen) y na Arumil (Arubaanse Militairen), caminda nan lo desplega nan mes pa paz y siguridad den e Region Caribe di Reino Hulandes.