Scol Reina Beatrix

Reina Beatrix School ta cuminsa na aña 1950 como Prinses Beatrix school.

E school te cu awe ta pertenece bao maneho di schoolnan publico asina yama scol di gobierno.

E school ta carga e nomber di su Mahestad Reina Beatrix naci na aña 1938. Reina Beatrix ta e yiu mayor di Reina Juliana y ta mama di Willem Alexander actual Rey di Reinado Hulandes.

Di 1980 te cu 2013 Reina Beatrix tabata e Reina di Reinado Hulandes.

Desde cu a habri Prinses Beatrix School na 1950, Gobierno nunca a nombra un director permanente pa e school. Ta te na 1958 a nombra Mr. J van Zijl como director di Princes Beatrix School. Como remplasante di Mr. Van Zijl tabata H. Been.

Na 1963 W Medema a cuminsa maneha Prinses Beatrix School.

Na 1971 tabata meneer Maurits Taytelbaum cu a tuma encargo di Prinses Beatrix School.

Ta bon pa menciona cu pa 8 aña e edificio di Scol Reina Beatrix no ta den uso y ta warda ariba un renobacion completo.

Pa e ultimo 8 añanan Scol Reina Beatrix a ocupa diferente edificio.

Desde Augustus 2022 Scol Reina Beatrix ta situa na Uruguaystraat banda di Post Kantoor na Oranjestad.

Na 2025 Scol Reina Beatrix lo cumpli 75 aña brindando enseñansa na nos comunidad.

E edificio actual di Scol Reina Beatrix  ta construi entre 1958-1960  pa e firma Petrona & Croes y tabata destina pa Mater Dei Huishoudschool cu a cuminsa na 1960. Zr. Justina tabata e prome directora di Mater Dei Huishoudschool, mientras cu Diana Arends tabata e prome alumna di Mater Dei Huishoudschool. 

Compila pa Roberto Croes

Nos Historia Nos Herencia