Scol Basico Xander Bogaerts a celebra Himno y Bandera na forma unico

ORANJESTAD (AAN): Siman pasa, Scol Basico Xander Bogaerts na San Nicolas a celebra Dia di Himno y Bandera.

  Nan a start e dia cu aubade, unda a canta himno Aruba Dushi Tera, sigui pa un baile di un alumno y despues e muchanan a haya un storia di Tanchi Lula (Juf Lula).

   Nan a saboria un dushi desayuno Arubiano cual ta un dushi pastechi cu juice.

   Despues e muchanan a sigui un carousel caminda algun organisacion/lugar a bin duna presentacion na e muchanan. Nan a haya presentacion di entre otro Hot Wheels, Stichting Rancho, Lee Connor cu su steelpan, Brassband, hasta 2 piscado cu a bin cu nan boto.

   Tambe tabatin presentacion di Aruba Traffic Controllers, y Beehaven. Nan ta tuma e oportunidad di gradici e comision di 18 Maart cu a haci e dia aki uno sublime. E muchanan a siña hopi y tambe nan a goza di e dia. Un celebracion di kita sombre.