Scol Basico Mon Plaisir a logra tambe un bunita hardin di alimento

ORANJESTAD (AAN): Scol Basico Mon Plaisir a bira e di cinco scol na Aruba cu a finalisa nan “hardin di alimento” riba Diasabra mainta.

   E parti grandi di e trabao ta djis prepara e tereno pa asina e ta cla.  Y Diasabra mainta ora cu un grupo grandi di mayornan fiel, y ex-studiante a yega, nan a haci e trabao bay basta rapido.

   Awor ta djis percura pa keda muha e hardin, y warda pa e simianan spruit y crece.

   Por a nota cu oficialnan di Santa Rosa tambe a duna un man na e proyecto di Agro Forestry aki na Mon Plaisir Basis School.  Hendenan cu handschoen, ta maniobra tera cu shovel, cu gordura den man, tabata yuda pa asina planta algun mata mediano caba den e tera fertil aki na Mon Plaisir Basis.

   Na final di e trabao, tur hende a bay di acuerdo cu e tabata un dia exitoso.  Mon Plaisir su docente- y alumnonan lo keda percura pa e hardin haya e cuido necesario, combina cu e educacion na e studiantenan riba e importancia di crece nan mesun mata y berdura y fruta na cas.  Potretnan cortesia: Living Soil Aruba y Santa Rosa.