ORANJESTAD (AAN): Durante fin di siman, actual empleadonan di DIARIO como tambe algun ex-colega,
a reuni un biaha mas pa un desayuno get-together pa combersa riba diferente topico, y tambe elabora un poco riba e recien observa Dia Internacional di Hende Muhe.
Mas cu claro, tabatin dos distinguido cabayero cu tambe a haci acto di presencia, y di e forma ey a goza di un delicioso desayuno bon prepara na Eden Garden Coffee House situa na Piedra Plat, cu a ofrece e grupo un servicio impecabel y hopi amabel di comienso te fin.
El a bira caba un tradicion caminda e actual empleadonan di DIARIO ta keda activamente den contacto cu ex-empleado pa asina mantene e lazo di amistad keda existi pa semper.
