Santa Rosa hopi contento cu a cuminza renoba pier di ex-Brisas del Mar  

ORANJESTAD (AAN): Siman a habri positivamente cu na momento cu awe mainta den presencia di minister encarga cu Sector Primario sr. Geoffrey Wever a anuncia oficialmente inicio di e pier di Ex Brisas del Mar su renobacion. 

Pa varios tempo caba e Pier aki ta wordo uza diariamente pa piscado, esnan cu ta landa of tambe ta uza e Pier aki pa bay rif of visa versa. Awe porfin e momento importante a yega pa ehecucion.

   Pa loke ta renobacion di Piernan rond Aruba a aloca un fondo disponibel pa ehecuta e proyectonan aki. Den e caso di Pier di Savaneta Ex Brisas Del Mar esaki  ta e prome riba e programa di Gobierno di AVP/Futuro. Despues di e Pier aki lo bay continua cu otronan manera cual un di nan ta esun di Colony.

  Pa loke ta trata renobacion di e Pier e contratista encarga ta Break & Build cu lo bay percura pa durabilidad y pone trapi nobo y e parti mas importante cordando riba nos Piscadonan.

   Hunto cu minister sr. Geoffrey Wever na e ocasion special aki tabata tey presente tambe esnan di Fundacion Savaneta. Señora Nathalie Maduro di Departamento di Agricultura, Cria y Pesca Santa Rosa y hefe di seccion di Pesca di Santa Rosa sr. Byron Boekhoudt.

   Nos ta haci un recordatorio na tur usuario cu awor cu e Pier di ex-Brisas Del Mar ta bay ta den pleno renovacion pa tene na cuenta cu e lo bay ta sera pa publico.

   Palabra di Felicitacion y gratitud na nos Piscadonan y na e Pueblo di Savaneta cu pronto lo bay haya su Pier di ex-Brisas Del Mar completamente renoba.