San Nicolas cambiando di ‘Chocolate City’ aparentemente pa ‘Ciudad di Ruina’

ORANJESTAD (AAN): Ta nos obligacion como Arubiano cu si ta preocupa y ta stima e dushi pida isla aki, y cu e posibilidad di por trece esaki na conocimento di Gobierno local,

encuanto e dolor grandi cu e isla aki tin y specialmente e parti di San Nicolas, caminda, aña tras di aña ta parce cu e ta wordo neglisha pa varios Departamento, y di Gobiernonan en general.

   Tur eleccion bo por mira partidonan politico, cu ta busca candidatonan di San Nicolas, pa asina yuda acumula mas voto, pero despues di eleccion cada biaha na un forma di garantia, nan ta lubida riba pueblo di pariba.

   Ta bon pa agrega, cu ariba e imagenan aki cu ta acompaña e articulo, tur ta lugarnan cu e turista, cu supuestamente ta e pilar ecomomico di Aruba, ta mira y saca potret di nan. Ta un berguenza hopi grandi, pa mira un Ghosttown, manera e ta mustra actualmente.