San Nicolas a bira centro di alegria y color cu Parada di Mucha

ORANJESTAD (AAN): Diadomingo San Nicolas a bira e centro di alegria y color cu  e Parada di Mucha San Nicolas, parti di programa oficial di Carnaval 72.

For di 1:00 di merdia, hopi famia, bishitantenan y tur hende amante di carnaval a sali pa disfruta di e parada dedica specialmente na nos muchanan.

E parada a sali for di Joe Laveist Sport Park. Un total siete grupo di mucha a tuma parti den e desfile, entre nan Centro di Bario Noord, Little Groovers, Don Flip, Unity, TOB Kids, Empire Kids y Champagne Kids Carnival Group.

Organisador y colaboradornan a mira atras riba un evento bon logra, cu a hiba alegria pa mucha y grandi mescos, y cu a contribui na e exito general di Carnaval 72.