Scol Caiquetio ta orguyoso di nan Hofi yen mata

ORANJESTAD (AAN): Scol Caiquetio cu ta situa na Cura Cabay, ta uno pa duna educacion special pa alumnonan cu ta ricibi extra yudanza den desaroyo.

  Y loke por mira riba e potretnan aki ta ilustra con orguyoso e alumnonan aki ta cu nan hofi na scol.

   Siman pasa riba Dia di Plantacion, nan a bay check nan Hofi y core duna un man, haciendo e tereno limpi, planta mas simia, y gradici asina pa varios fruta y berdura cu nan a yega di cosecha.  Grupo 1 te cu Grupo 7 ta cuidando e Hofi di scol aki cu hopi cariño, y e team completo ta dunando un man pa logra tur esaki.

   Palabranan di pabien na tur studiante y docente di Scol Caiquetio. Nan ta demostrando tur dia con importante y posibel ta pa tur scol na Aruba tin nan propio Hofi riba nan tereno y cosecha di nan tambe.  Sigui cu boso bunita trabao, ya cu henter e isla ta orguyoso di boso.