Rotonde di Mama Rosa tambe a habri bunita decora den ambiente di Pasco

ORANJESTAD (AAN): Rotonde di Mama Rosa a wordo habri dia 2 dec 2022 e aña aki cu e tema di E regalonan di Pasco.

Esaki ta inspira riba e 25 aña di celebracion di Mama Rosa Croes.

            Grupo di Gaita Muchanan di Mama Rosa a haci un homenahe na Mama Rosa pa tur su esfuerso, dedicacion, aporte y amor pa nos muchanan di gaita. Ta hopi artista a sali for di tanto e grupo Sensacionales y Muchanan di Mama Rosa. E grupo a homenahea tanto Mama Rosa y 4 integrante mas den e grupo.

            Mama Rosa Croes 25 aña, Eddy Maduro Congero pa 25 aña, Jeanelis Werleman Cantante 25 aña, y Clifford Thiel tamborista pa 10 aña di cual el a cuminsa cu su 14/15 aña cu e grupo.

            Nan ta mas cu agradecido pa cu e aporte, sosten, dedicacion y amor cu tur e integrantenan ta duna na e grupo.

            Alavez nos kier a gradici na tur hende cu di un manera of otro a yuda cu e Rotonde di Mama Rosa. E rotonde ta habri tur dia y por pasa bishit'e for di 7or te cu 11or di anochi.