Kiwanis Club of Palm Beach a instala su directiva nobo pa aña 2022-2023

ORANJESTAD (AAN): Recientemente Kiwanis Club of Palm Beach Aruba a instala su directiva nobo pa e aña 2022-2023.

Na e ocasion aki, Luitenant Governor Señora Marelva Corion, procedente for di Curacao, tabata presente personalmente pa haci e instalacion.

   Durante e instalacion aki Señora Corion a ricibi asistencia di Past Governor Sr. Robert (Bob) Spellen. Como maestro di ceremonia pa e anochi aki a keda encarga miembro y Past President, Sr. Patrick Brown.

   E directiva nobo di Kiwanis Club of Palm Beach pa e aña 2022-2023 ta consisti di e siguiente boluntarionan:  Como President a keda instala Daniel Aguirre.  Como Secretario tin Robert-Jan Moons.  Como Tesorero tin Michel Janssen.

   Como Vice President tin Ross Brezovar.  Como President Elect tin Onasito ‘Chito’ Thiel.  Immediate Past President ta Rothmar Coenraad.

   Como Directornan tin Richard Roy, Alvin Wever, Rhomyko Winklaar, Michael Bareño, George Wong, Fons Essed, y Rodney Kock.

   E instalacion a tuma lugar na Aruba Marriott Resort durante un cena ameno cu presencia di varios otro organizacion di servicio na Aruba. Kiwanis Internacional ta un organizacion caritativo mundial, dedica na haci nos mundo mihor door di cambia un comunidad of un mucha cada bes.

   Den otro articulo, DIARIO ta trece e discurso amplio di President saliente, esta Rothmar Coenraad riba e proyectonan cu Kiwanis Club of Palm Beach a yuda cune.  Tambe discurso di e president nobo Daniel Aguirre.