Renobacion di interior di Misa Santa Anna na Noord ta avansando

ORANJESTAD (AAN): Manera ta conoci, un trabao di renobacion na Misa Santa Anna na Noord ta andando desde comienzo di e luna aki.

   E trabaonan ta encera e.o. ponemento di mosaico nobo, drechamento di e entrada di Misa, y segun e posibilidad, lo bay instala airco tambe.

   Durante e trabao, a rek full un lona grandi pa asina proteha e altar precioso y balioso di e Misa, pa stof no bay dal den dje.  Ora DIARIO a pasa check, cu jackhammer tabata kibrando e pida unda normalmente coro y musiconan ta para riba dje mas dilanti den Misa.

   E trabaonan lo dura como 1 luna pa keda cla completamente.  Debi na esaki, pa awor tur Santo Sacrificio di Misa ta socede como lo siguiente.  Di Dialuna pa Diasabra, tin Santo Sacrificio di Misa na Kapel di Bethania na e Klooster di Kinderhuis Imeldahof.

   Diadomingo tin Santo Sacrificio di Misa na Club Don Bosco den mesun cura di misa.  Tur horario di misa ta keda mescos.