Red Democratico ta mustra cu declaracion di Gerlien Croes no ta corecto

Mentira di Ministro Gerlien...

ORANJESTAD (AAN): Riba Diahuebs atardi, Partido Red Democratico a tuma nota di e declaracion di minister Gerlien Croes cu den e gobiernonan anterior “nada no a wordo haci pa mantencion di scolnan”.

   Partido Red Democratico mesora a reacciona bisando cu esaki ta un mentira. Nan ta publica parti di e overdrachtsdocument di ex-minister Lampe, cu ta mustra tur e trabaonan cu a wordo haci pa infrastructura di e scolnan, y a laga den e presupuesto di 2021 e suma cu a usa pa renoba Scol St. Aloysius na Noord.

   A scoge pa pasa Juliana y Beatrix school pa un universidad medico priva internacional cu lo a renoba tur dos scol sin cu lo a costa gobierno ni un cen y lo a trece studiantenan di afo pa biba den caya grandi. Mientras tanto ex-minister Lampe a percura pa Beatrix School tin su mesun edificio banda di Postkantoor na Playa cu ta funcionando. Y e plan cu a laga tabata cu Juliana school lo a integra den Colegio Arubano y cu lo a bira un mavo-havo-vwo school, mescos cu Mon Plaisir y De Schakel. E cantidad di alumnonan na Colegio Arubano a baha y tin espacio pa por a haci e integracion aki, sin cu a costa gobierno ni un sen.

   Infrastructura: E montantenan di inversion asigna ta inclui den Tabel 3, y den Tabel 4 tin un resumen di e trabaonan di infrastructura cu a wordo realisa.