Red Anchor ta un destileria local cu ta produci 4 tipo di alcohol di calidad

ORANJESTAD (AAN): Diabierna DIARIO a entrevista propietario di destileria Red Anchor, Marco van Daal, cu aki na Aruba ta produci  Whisky, Vodka, Gin y Rum.

Van Daal a splica cu tur cos ta wordo haci na Aruba, di fermentacion ta cu entre otro destilacion, filtracion, pone den boter y pone label riba dje.

E propietario di Red Anchor a splica su inspiracion pa cuminza e negoshi el a haya ora cu despues di perde un wega di beach tennis e y un amigo a bay bebe y na dado momento e lugar a cera, siendo cu nan kier a sigui bebe.

Van Daal e ora ey a bisa su amigo, “quizas nos tin cu cuminza nos propio negoshi pa produci alcohol”.

Mirando cu su amigo ta biba na Europa, el a dicidi sigui e negoshi hunto cu su casa.

Nan a aplica pa tur e licencia y permisonan nan necesario y aña pasa September nan a logra habri e destileria.

Pa loke ta nomber di e negoshi na prome instancia no tabata tin un bon idea, pero na dado momento un hende a sugeri Red Anchor, pasobra e ta algo reconoci na Aruba.

“Nos producto por wordo haya na diferente supermercado grandi y na hotel y barnan tambe”.

Nan ta situa den Metro Mall otro banda di caminda di Eagle Bowling, segun van Daal.

El a splica cu Red Anchor ta riba Facebook tambe, incluyendo den gruponan di Facebook pa turista.