Recordando e di 30 aña di Ordenacion Sacerdotal di Pastoor Toti

Asina a tene un celebracion

ORANJESTAD (AAN): Dia 12 di April, Pastoor Toti a cumpli 30 aniversario di Ordenacion Sacerdotal. Pa e occasion aki el a tene un Santo Sacrificio di Misa Diaranzon na Misa Santa Filomena na Paradera y despues el a celebra e occasion aki cu su famia, conocirnan y parokianonan na Villa Floralina. Pa e occasion aki tabata tin varios Pastoor paisano di Pastoor Toti cu a compañe na e Santo Sacrificio di Misa y a celebra cu ne e anochi aki.

   Pastoor Toti a yega Aruba na 1998 y a traha na varios misa na Aruba entre otro na Santa Cruz, San Nicolas, Savaneta y actualmente ta na Paradera. E aña aki Pastoor Toti ta cumpli 15 aña na Misa Santa Filomena na Paradera.  Pastoor Toti den su 15 añanan na Paradera a traha duro pa e parokia, entre otro pa renobacion di misa, tambe a contribui pa cambio di e parking lot y landscaping rond di misa y tambe a renoba Cas Parokial.

   Pastoor Toti a haci hopi peregrinacion tambe pa Tera Santo y Europa. Tambe a lidera e comision pa e celebracion di 70 aña di Parokia Santa Filomena na 2019.

   Pastoor Toti pa e occasion aki tambe a haya un certificado masha special caminda el ah aya Bendicion special di Papa Leo XIV14 na ocasion di 30 aniversario Sacerdotal.

Masha pabien Pastoor Toti y cu Dios sigui ilumina pastoor Toti den su trabao y vocacion pa sigui sirbi Dios su pueblo.