Grupo Flor di Aloe ganador di e prome Olimpiada Adulto Mayor

ORANJESTAD (AAN)- Diadomingo 12 di April a tuma e prome Olimpiada Adulto Mayor na Aruba caminda e grupo Flor di Aloe a Sali e maximo ganador.

   E evento aki cu a tuma lugar den Centro Deportivo Betico Croes, organiza pa Fundacion Movemento ta Bida a conta cu participacion di 7 grupo, cualnan ta Honey Bees, Happy Hearths, Rise & Shine, Sigui Move Bubali 60+, Club Kibrahacha, Grupo Curason Jong y Grupo Flor di Aloe.

   Tabata un dia masha ameno for di mainta te den oranan di atardi cu e adultonan mayor a goza di e dushi dia aki. Un pabien na e team ganador cu a bay pa Grupo Flor di Aloe cu a keda na prome lugar, na di dos lugar a keda Club Kibrahacha y na di 3 lugar Grupo Curason Jong.

   Minister Gerlien Croes tabata presente na e occasion aki pa haci entrega di e premionan na e ganadornan. Y for di awor un palabra di exito na e Grupo Flor di Aloe di Dakota cu lo bay representa Aruba na e Olimpiada Adulto na Bonaire cu lo tuma lugar dia 6 di Juni venidero.