Recien evento di Quiznight di YMCA Aruba tabata exitioso

ORANJESTAD (AAN): Nan a pasa bon y conoce hopi cos cu nan no tabata sa! Como despedida di algun guia di YMCA Aruba,  un anochi di sesosport tabata organiza.

   Varios grupo a participa y nan a competi cu otro den e categorianan di Geografia, Arubanita, Berdad of Falso, Palabra Bruha y Pregunta Chistoso.

   E maestronan di scol Jarissa Dubero y Addonsito Croes a conduci e anochi den e sala principal di YMCA San Nicolas. E ganadonan a resulta e team Los Patacones cu un total di 34 punto. Segundo luga team Sweet Moscato y di tres luga Team Taco.

   Na final e ganadonan a ricibi nan premio y a cera e anochi cu un cena den un ambiente placentero.