Recicla y re-usa botternan di plastic

ORANJESTAD (AAN) - Recicla y Re uza, esey ta un di e visionnan di IBiSA Sport Centrum San Nicolas.

Gerro Koolman e coordinator y instructor di IBiSA Sport Centrum San Nicolas a cuminsa colecta hunto cu su coleganan diferente boter di plastic pa asina por yena nan cu santo y traha “Dumbells” cu nan.

E dumbellnan lo wordo uza den varios actividad di IBiSA manera “Nos Grandinan Activo” , “Comunidad Activo” y mas.

E mensahe cu Gerro tin ta : Think Outside The Box. Tin biaha nos mester bira un poco creativo pa logra nos metanan. No ta tur ora mester saca placa of pidi un subsidio pa material,.

E “Dumbells” ta wordo traha di boternan di 355ml,500ml y 1000ml, y nan ta pisa entre 3 pa 8 liber.

Spera mas hende por wordo motiva pa cuminsa recicla mas y mantene nos isla limpi.