ORANJESTAD (AAN): Recientemente e organizacion di Aruba Lions Club conhuntamente cu e Lionessnan y Friends of Lions a organiza un Mainta di Coffie cu tabata exitoso.
Riba e dia aki communidad di Aruba a pasa en dia ta bishita Lions Den y a busca nan coffie cayente y a disfruta di sweetbox. E sweetbox a consisti di diferente bolo y cos dushi.
Aruba Lions, Lionessnan y Friends of Lions kier a tuma e momento pa gradici un y tur persona cu a logra haci e Mainta di Coffie aki posibel! Tur fondo cu a worde recauda ta bay back na comunidad di Aruba den un manera of otro door di contribucionnan y tambe yudando esnan cu menos recurso.
Si bo persona ta desea di forma parti di Aruba Lions Club of kier ta boluntario pa bira Friends of Lions por haci esaki dor di tuma contacto cu miembronan di Aruba Lions Club.
https://diario.aw/categories/noticia/general/exitoso-mainta-di-coffie-organiza-pa-aruba-lions-club#sigProIdb890c69f7a
