Quota International cu reconocimento na Glenn Rock

ORANJESTAD (AAN): Recientemente Quota International of Aruba a reconoce e funcionario di Safety Coordinator di WEB Aruba NV,

esta Glenn S. Rock, pa su dedicacion, liderato y colaboracion den conscientiza muchanan na scolnan basico durante e ultimo 15 añanan pa cuido di nan oido y e importancia di uza ear plugs.

   Esaki e ta haci hunto cu Quota Club den forma di charlanan na diferente scol basico durante e periodo di Carnaval.

   Corda cumpra ear plugs cerca miembronan di Quota Club canto di caminda. Asina bo ta aporta na e bon causa y na mes momento bo ta yuda proteha oido di bo y di bo sernan keri.