Publico na Do It Center a mira con e grill ‘Big Green Egg’ ta funciona

ORANJESTAD (AAN): E ta un grill cu tin un nomber tiki diferente, esta ‘Big Green Egg’. 

E ta rondo parecido na un webo gigantesco color berde.  E ta inspira pa tradicional fornonan kamado, pero esaki a wordo mehora y adapta pa wordo usa pa Barbecue tambe.

   Gradualmente nan a sigui perfecciona esaki, pa e bira un aparato completo, duradero, y confiabel cu caracteristicanan excepcional, di duna bo cuminda extra sabor, durabilidad, y control di temperatura.

   Big Green Egg ta un compania cu ta existi ya pa mas di 50 aña, y nan a introduci e estilo di forno kamado pa paisnan occidental, y a keda perfecciona e detaye di dje.  Esnan cu ta cushina riba un Big Green Egg pa prome biaha, y ora di saborea e resultado, lo bo keda asombra con jugoso y sabroso e cuminda ta smaak.  Ademas di ta produci cuminda cu mihor sabor, e ta consumi menos carbon compara cu otro barbecue grill.  Awendia Big Green Egg ta wordo bendi den diferente tamaño.

   Riba Diasabra merdia, Super Do It Center na Shaba a pone e Big Green Egg dilanti nan negoshi, y a cuminza hasa barbecue pa clientenan.  Clientenan a para pa admira e grill aki, y puntra con e ta funciona.  Tambe a nota cu tabata cushina tur cuminda cu seasoning di marca ‘Camp Chef’ cu ta special pa barbecue, y cu tambe ta wordo bendi na Super Do It Center.

   Un fenomenal presentacion di Big Green Egg cu ta obtenibel na Do It Center.