Publico a goza di e anochi di Aruba Soca Monarch 2026

ORANJESTAD (AAN): Un anochi cu bon musica, costume yamativo, cu shownan di baile, y sonido solido y potente,

tabata loke publico den Aruba Carnival & Entertainment Village a experiencia Diasabra anochi y Diadomingo marduga, den evento grandi di Aruba Soca Monarch 2026 organiza door di Stichting MUSICA.

   E anochi a bay bon, sin ningun awacero, y dushi brisa henter anochi.  Un total di 13 grupo musical a subi escenario pa duna nan mihor pa publico, y dilanti un cuerpo di hurado excelente.

   E gruponan musical tabata Zeta Band, OREO, D’Nova, Good Times Band, Buleria, Groove Masters, Shine Music, Youth Xtreme, ‘N Fuzion, Tsunami, Hot Ones Band, Suona, y Duro.

   Ta conoci cu tabatin un conflicto chikito cu musiconan a expresa nan mes encuanto hurado, y na final e hurado concerni a sali, y un otro a drenta na su lugar.

   Despues di esey, e show a start di nobo y cada un 31 participante a sa di haci nan best, y algo notabel ta cu publico a yena Carnival Village na un forma hamas bisto.  Tin hasta e pensamento cu nunca antes competencia di Soca Monarch a haya asina hopi publico pa mira e evento.