Proyecto di mantencion di ex-Landslaboratorium a keda cla

ORANJESTAD (AAN):  Despues di algun luna di trabow intenso pa cu mantencion di e edificio Monumental di Directie Volksgezondheid Aruba, ex-Landslaboratorium, Monumentenbureau ta anuncia cu e proyecto a yega na su final.

            Cu presencia di personal di DVG, Albo Aruba N.V. y Monumentenbureau, Project Manager di Albo Aruba N.V. sr. Anno Postma y Director di Monumentenbureau, sra. Yvonne Webb-Kock a firma e procesverbaal pa cu e finalisacion di e proyecto.

            Despues cu a caba di firma a haci entrega di e yabi na Management Team di Directie Volksgezondheid. Personal di DVG a keda sumamente contento y agradecido con bunita e interior di e edificio a keda. Sigur cumpliendo cu e deseonan cu detayenan moderno y un ambiente agradabel.         Monumentenbureau ta gradici Directie Volksgezondheid Aruba pa e confiansa duna pa realisa e proyecto di mantencion. Asina cu e fondonan wordo aloca lo sigui cu e di dos fase di mantencion di e edificio Monumental.

            Monumentenbureau ta gradici Minister di Finansas, Economia y Cultura, sra. Xiomara Maduro y tur esnan cu a haci e proyecto aki posibel, specialmente na e personal di Directie Volksgezondheid pa nan pasenshi.

            Monumentenbureau ta gradici Minister di Salubridad, Deporte y Turismo sr. Dangui Oduber pa aloca e fondonan pa por a haci mantencion riba e edificio di Directie Volksgezondheid Aruba (DVG) ex-landslaboratorium.

            Director di Monumentenbureau ta gradici personal di Albo Aruba N.V. y personal di Monumentenbureau pa e bunita trabou haci. Monumentenbureau ta sigui aporta na mantencion di e Monumentonan.